Preto de 400 establecementos da provincia únense á campaña 'No Caminas Sola'
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O subdelegado do Goberno en Pontevedra, Abel Losada, presentaba este martes a campaña 'No Caminas Sola', que se desenvolve durante o verán para garantir a seguridade das mulleres que peregrinan polas distintas rutas xacobeas.
Mediante esta iniciativa, as peregrinas poderán acceder a toda a información sobre os servizos de emerxencias e os recursos das Forzas e Corpos de Seguridade aos que poden acudir ao longo do Camiño de Santiago.
Este ano, son 398 establecementos da provincia os que colaboran coa campaña. Entre todos eles a Subdelegación repartiu máis de 400 carteis e 8.300 tarxetas informativas.
Trátase de puntos de afluencia de visitantes como albergues, oficinas de turismo, oficinas de Policía Nacional, Garda Civil e Policía Local, centros de saúde, hospitais e farmacias dos concellos polos que pasan as rutas xacobeas que percorren a provincia de Pontevedra. Todos eles dispoñen de carteis e tarxetas impresas en español, inglés e galego, que ademais incorporan un código QR que dá acceso aos recursos dispoñibles e información sobre violencia de xénero.
Abel Losada destacou que as mulleres representan o 53% das persoas que fan o Camiño e que "en moitos casos camiñan soas e sen compañía".
Neste sentido, engadiu que "esta campaña enmárcase dentro da acción de Goberno de traballar por unha sociedade máis igualitaria, un entorno máis seguro e, polo tanto, máis libre para todas as mulleres".
O acto informativo tivo lugar no albergue de peregrinos de Briallos, no concello de Portas, onde Losada estivo acompañado polo alcalde, Ricardo Martínez, a concelleira de Igualdade, Chus Fontán, a concelleira de Cultura, Ana María Peña, e outros membros da corporación, así como polo coronel da Garda Civil en Pontevedra, Simón Venzal, e polo comisario de Vigo-Redondela, Ramiro José Gómez.
A oficina móbil de atención ao peregrino da Garda Civil tamén estivo presente no acto.
Relacionadas:
-
Fundación Lukas celebra o seu XV aniversario percorrendo o Camiño de Santiago con mozos con discapacidade
Por Redacción |
-
Detido un home en Poio por un presunto delito de violencia de xénero
Por Almu Dapena |
-
398 entidades colaboran coa campaña #NoCaminasSola para garantir a seguridade das peregrinas no Camiño
Por Redacción |
-
"No caminas sola", a campaña para liberar o Camiño de Santiago de violencia machista
Por Redacción |