Estado do muro da capela de Santiago de Godos tras o roubo
© Veciñanza de Godos
VÍDEO.- Quen levou as pedras de Santiago de Godos? A busca continúa
![María José](/web/cache/scene/uploads/xornalistas/foto/377/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5ea3331f09-foto-posible-para-linkedin-02.jpg)
Por María José Pita
![](/web/cache/scene/uploads/fotos/foto/66a/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66bb458554-01-copia-copia.jpeg)
© Veciñanza de Godos
![](/web/cache/scene/uploads/fotos/foto/41a/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66bb44226f-04-copia.jpeg)
© Veciñanza de Godos
Os veciños da parroquia de Godos, en Caldas de Reis, non saen do seu asombro tras o roubo de varias pedras do muro da igrexa e cemiterio de Santiago de Godos.
O incidente foi comunicado á Policía Local por un veciño na mañá do 2 de agosto, polo que presumiblemente ocorreu a noite anterior.
Dez días despois, non se recibiron máis pistas sobre a posible autoría do delito, nin se presentou denuncia.
Fontes policiais relatan a este medio que, tras o aviso, procederon a acoutar a zona, sinalizala cunha cinta, deixar constancia do feito e realizar unhas primeiras indagacións para ver se se podía dar co posible autor.
Dende esa data, non houbo novas desaparicións de pedras nin se rexistraron avances na investigación. Tampouco hai dilixencias abertas.
Se algunha persoa pode achegar algún dato respecto diso, no teléfono da Policía Local de Caldas poden atendelo: 986 540 002.
Ante esta incerteza, segundo informa o Diario de Arousa, un veciño ofreceu unha recompensa de 2.000 euros a quen poida dar unha pista que posibilite a recuperación das pedras.
A pequena capela de Santiago de Godos é moi querida polos veciños, aínda que só se celebren dúas misas ao ano, unha delas na festividade que lle dá nome.
Está situada á beira da estrada N-640, que une Caldas de Reis e Vilagarcía, pero é dificilmente visible dende esta vía debido á vexetación. Con todo, un camiño asfaltado leva ata ela e a unhas vivendas, polo que non se atopa illada.
No seu momento foi parroquia, pero hai anos que a súa actividade foi trasladada á igrexa de Santa María de Godos, de maiores dimensións, construída posteriormente á de Santiago e que se atopa a 20 minutos a pé. É neste templo no que os veciños asisten a misa os domingos ás 11:00 horas.