Despregamento de fantasía e animación para este martes co desfile da Batalla de Flores
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
As Festas da Peregrina chegan este martes 13 cunha tarde disposta para gozar en familia. A Batalla de Flores está lista para percorrer as rúas de Pontevedra e ofrecer diversión para o público de menos idade, pero tamén para volver sentirse nenos por unhas horas.
Oito carrozas realizarán este desfile achegando a personaxes animados dos Minnions, Aladin, Hércules, Vaiana, Ice Age ou Sonic. Acompañaranlles espectáculos de rúa a cargo de Troula, Barafunda, Rivel e Pablo Méndez e animación musical con charangas e gaiteiros. Sinalar que durante un primeiro tramo do percorrido previsto discorrerá sen música co obxectivo, desde o Concello de Pontevedra, de ofrecer unhas festas inclusivas e diversas.
A comitiva festiva sairá ás 19.00 horas desde Loureiro Crespo seguindo por Benito Corbal, Cobián Roffignac e Pai Amoedo. Este percorrido conleva restricións de estacionamento desde as 13.30 horas na Avenida de Lugo e San Mauro e a partir das 16.30 horas nas rúas do percorrido. De igual forma, todas elas estarán afectadas por cortes para a circulación de vehículos: as dúas primeiras a partir das 16.00 horas e as restantes a partir das 18.00 horas.
Como é habitual neste tipo de eventos tamén se dispuxeron entre as 18.00 e as 21.00 horas uns accesos alternativos para os vehículos que precisen chegar ao Hospital Provincial e QuirónSalud.
Relacionadas:
-
A choiva desloce o final da Batalla das Flores
Por Diego Espiño & Cristina Saiz |
-
'A pirata Lola' estrea a programación festiva infantil na Praza da Curtidoira
Por Redacción & Cristina Saiz |
-
Os fogos de artificio iluminan Pontevedra
Por Redacción & Mosrey Fotografía |
-
Teresa Fernández-Valdés, pregoeira: "Imos dalo todo. Vivan as Festas da Peregrina!"
Por Mosrey Fotografía & Anxo Lourido |
-
Unhas festas inclusivas: horario ampliado sen ruído, sala de lactación e baños adaptados
Por María José Pita |