O esmoleiro máis curioso atópase en Seixo
![María José](/web/cache/scene/uploads/xornalistas/foto/377/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5ea3331f09-foto-posible-para-linkedin-02.jpg)
Por María José Pita
![](/web/cache/scene/uploads/fotos/foto/68e/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66b9dae552-whatsapp-image-2024-08-09-at-09.56.54-copia.jpeg)
© PontevedraViva
![](/web/cache/scene/uploads/fotos/foto/37b/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66b9da4e71-primera-opcion-copia.jpeg)
© PontevedraViva
Non é unha caixa de correos, aínda que o pareza. En cada unha das súas etiquetas hai un destinatario: San Antonio, Santísimo, Virxe Milagrosa, San Xosé, Virxe do Carme, Ánimas, Culto e Necesitados.
Con todo, nas súas rañuras non cabe unha carta, pero si unha moeda. Este dato dános a clave do uso desta estrutura.
Trátase do curioso esmoleiro instalado no acceso ao interior da Igrexa da Nosa Señora do Carme de Seixo (Marín). Unha peza habitual nas capelas e templos a través da que os fieis depositan as súas esmolas.
Esta tempada estival, na que a igrexa adoita estar aberta en torno ao horario dos servizos relixiosos, é unha visita obrigada para turistas e lugareños.
No verán, as misas de diario son ás 21:00 horas e, domingos e festivos, ás 12:00 do mediodía.
A Igrexa da Nosa Señora do Carme de Seixo pertence á parroquia do mesmo nome e atópase situada na avenida Doutor Otero Ulloa, 87, Seixo (Marín).
Trátase dun templo moderno, construído en 1953. A fachada de granito está coroada por unha imaxe da Virxe do Carme. A estrutura é dunha soa nave, con cubrición horizontal, xanelas grandes e Virxe sedente moderna presidindo o altar maior.