![](/web/cache/scene/uploads/fotos/foto/4f0/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/66b60e780a-03-copia.jpeg)
© PontevedraViva
Unhas festas inclusivas: horario ampliado sen ruído, sala de lactación e baños adaptados
![María José](/web/cache/scene/uploads/xornalistas/foto/377/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5ea3331f09-foto-posible-para-linkedin-02.jpg)
Por María José Pita
O Concello de Pontevedra avanza nas medidas relacionadas coa accesibilidade e a inclusión para garantir "ter unhas festas para todos e todas", indicaba na súa comparecencia o edil de Festas, Demetrio Gómez Junquera.
Como en ocasións anteriores, nas Festas da Peregrina as persoas con mobilidade reducida poderán seguir os concertos da Ferrería e da Praza de España dende as plataformas habilitadas. Tamén se mantén a tradución en tempo real a lingua de signos durante o pregón.
A maiores, para as festas deste ano, o Concello de Pontevedra achega varias novidades.
En primeiro lugar, o aumento dunha hora, de 17.00 a 19.00 horas, o tempo que as atraccións ambulantes da contorna da Alameda estarán sen música, pensando nas persoas con trastorno do espectro autista (TEA).
Do mesmo xeito, a Batalla de Flores comezará sen música e outros sons de alto volume dende a súa saída até a rotonda da Pasarela, que une as rúas Loureiro Crespo e avenida de Lugo.
Outra das medidas anunciadas é que os aseos instalados na Alameda incluirán unha sala de lactanción para uso da veciñanza.
Estes mesmos aseos contarán cun novo equipamento, á mesma altura que o chan, para permitir un acceso máis cómodo para persoas con mobilidade reducida.
O concelleiro indicaba que a incorporación desta estancia anexa débese a que, malia que os aseos públicos contan cunha rampla de acceso, había un elemento insalvable para unha cadeira de rodas: os protectores do cableado que, por normativa, teñen que ter un "pasacabos" homologado e dunha determinada altura.
Relacionadas:
-
O rock máis puro de El Drogas sobe o pano das Festas da Peregrina
Por Redacción & Mosrey Fotografía |
-
Os fogos de artificio iluminan Pontevedra
Por Redacción & Mosrey Fotografía |
-
Ofrenda floral á Virxe Peregrina con petición para que desapareza a violencia nunha sociedade "crispada"
Por Mosrey Fotografía & Anxo Lourido |
-
Teresa Fernández-Valdés, pregoeira: "Imos dalo todo. Vivan as Festas da Peregrina!"
Por Mosrey Fotografía & Anxo Lourido |