Póker de orquestras para as festas de Almofrei: Travesía de Vigo, Alkar, Florida Band e América
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O prolífico calendario festivo do verán ten entre as convocatorias para esta próxima fin de semana as festas en honra a San Lourenzo e San Roque en Almofrei, no municipio de Cerdedo-Cotobade.
Como boa festa galega, non faltan no programa festivo as propostas musicais coas súas correspondentes verbenas. Catro orquestras son as contratadas pola comisión de festas para animar estas veladas. O sábado 10 actuarán Travesía de Vigo e Alkar e o domingo Florida Band e América. Comezarán ás 22.00 horas.
Antes, na noite do venres 9 arrincará a programación ás 21.30 horas co concerto 100 Voltas protagonizado por Verónica Codesal, Didier Laloy & Damien Chierici e forma parte de 'Cerdedo-Cotobade en Sons'.
A charanga Charandonga animará a mañá e a tarde do sábado con pasacalles e tamén a sesión vermú dominical. Antes, terán lugar os actos relixiosos coa entrega do ramo aos santos por parte da comisión de festas, misa e procesión. Tanto sábado como domingo, os máis pequenos poderán gozar de colchóns gratis pola noite.
Relacionadas:
-
Poxas, churrascada e música tradicional para celebrar as festas de Loureiro
Por Redacción |
-
O campo de voluntariado 'Rural Influencer' aposta pola comunicación entre persoas novas e maiores
Por Redacción |
-
O proxecto da praza de San Xurxo de Sacos consegue o informe favorable de Patrimonio
Por Oskar Viéitez |