Fixan en setembro a estrea dos equipos de refrixeración e placas solares da Praza de Abastos de Vilaxoán
Por Redacción
O Concello de Vilagarcía de Arousa adxudicou a Isidro Fernández Portas o subministro e instalación dos novos equipos de refrixeración para a Praza de Abastos de Vilaxoán, cun contrato valorado en 31.314,80 euros.
Estes novos equipos estarán operativos a partir de setembro, debido ao parón estival nas fábricas subministradoras.
Nas vindeiras semanas, contratarase tamén a instalación dun sistema fotovoltaico para autoconsumo colectivo, cun investimento adicional de 21.804 euros.
Este sistema permitirá que a praza xere a súa propia enerxía eléctrica, reducindo así o consumo enerxético do recinto.
O contrato actual inclúe a adquisición, instalación e posta en funcionamento de tres cámaras frigoríficas específicas para froitas, carne e peixe, ademais de dúas vitrinas expositoras con frío ventilado para a exhibición de produtos de carnicería, charcutería e froita.
Estas melloras completan o proceso de modernización da Praza de Abastos de Vilaxoán, que comezou en 2018 co arranxo da cuberta, cun investimento de 33.000 euros, e continuou coa reforma interior realizada esta primavera, que contou cun orzamento de 230.000 euros do Plan Concello e das EDUSI.
Recentemente, tamén se dotou o mercado cun punto de recarga para vehículos eléctricos.
Relacionadas:
-
O reparto a domicilio da praza de abastos de Vilagarcía farase nun coche eléctrico
Por Oskar Viéitez |
-
As prazas de abastos de Vilagarcía e Vilaxoán contarán con puntos de carga para vehículos eléctricos
Por Redacción |
-
O mercado de Vilaxoán abrirase á venda de novos produtos tras a súa reforma integral
Por Redacción |
-
Vilagarcía reformará a praza de abastos de Vilaxoán
Por Redacción |