Foodtrucks e degustacións de produtos do mar en catro puntos de Sanxenxo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/9b0/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66abbc95ad-galicia-sabe-amar.jpg)
© Concello de Sanxenxo
![](/web/cache/scene/uploads/fotos/foto/0e3/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/66abbce053-conselleiro-do-mar.jpg)
© Concello de Sanxenxo
![](/web/cache/scene/uploads/fotos/foto/7d1/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66abbda117-aa-20240801-conse-visita-pop-up-artesania-3.jpg)
© Xunta de Galicia
A campaña “Galicia sabe amar” comezou hoxe en Sanxenxo, coa presenza de foodtrucks en catro localizacións: Praza dos Barcos, parque de Panadeira, Praza Pública de Vilalonga e mercado de abastos de Portonovo.
O conselleiro de Mar, Alfonso Villares, xunto co alcalde Telmo Martín e outros representantes do goberno, inaugurou a actividade que ofrece degustacións gratuítas con produtos do mar e da terra.
O obxectivo da campaña é promocionar a calidade dos produtos pesqueiros galegos.
O conselleiro subliñou que Galicia conta con máis de 60 lonxas e 300 produtos diversos, destacando a importancia do peixe como fonte de proteína de baixa pegada de carbono e hídrica.
ARTESANÍA DE GALICIA NUNHA TENDA EFÉMERA
A Xunta de Galicia tamén inauguraba este xoves a Summer Shop Artesanía de Galicia & D-Due, unha tenda efémera que estará aberta até finais de agosto na rúa Luis Vidal Rocha nº 6.
Esta iniciativa, que celebra o seu cuarto ano consecutivo, amosa unha selección de produtos de 28 obradoiros artesanais galegos en 17 oficios diferentes, que van desde a olería e a cerámica ata a cestería e a moda.
O conselleiro de Emprego, Comercio e Emigración, José González, destacou a colaboración coa marca de moda galega D-Due para promover a alta calidade e o talento artesanal da rexión.
A tenda permanecerá aberta de luns a sábado en horario de 10:30 a 14:30 h e de 16:30 a 20:30 horas.
Relacionadas:
-
Sanxenxo rexistrou un "bo dato" de ocupación hostaleira en xullo "a pesar dos condicionantes negativos"
Por Oskar Viéitez |
-
"Habería que poñer unha coroa á hostalería porque damos oportunidades de traballo a persoas sen formación"
Por Redacción |
-
O turismo en Sanxenxo, máis aló de xullo e agosto: pechan o segundo mellor xuño da súa historia
Por Redacción |