Soutomaior urxe á Xunta abrir a pasarela peonil da Montesiña
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Concello de Soutomaior volveu enviar á Xunta de Galicia un requirimento para que abra a pasarela da Montesiña que continúa precintada a pesar de que as obras leven terminadas desde o mes de xuño.
Esta pasarela peonil está situada entre Arcade e Soutomaior e tivo que pecharse hai anos pola deterioración da anterior infraestrutura.
Esta administración local advirte do risco que conleva para as persoas o tráfico da estrada PO-244; non só para adultos, senón tamén para os menores que teñen que acceder ata o centro escolar e as instalacións deportivas municipais próximas a esta pasarela en cuestión.
"A máxima preocupación que temos é a de garantir a seguridade viaria de toda a veciñanza que, a pé ou en coche, pasa cada día por este punto", apunta o alcalde, Manu Lourenzo.
Este último é o terceiro requirimento que envía á administración autonómica o Concello de Soutomaior, os anteriores demandando unha pronta conclusión das obras e a súa reapertura.
O alcalde recalca varias circunstancias para insistir nesta demanda: a celebración de varios eventos deportivos tanto no centro educativo como nas instalacións deportivas e que desde este venres 2 de agosto celebrarase a I Semana Grande de Soutomaior, co que a afluencia de vehículos e viandantes será masiva.
Relacionadas:
-
O Centro de Benestar Integrado de Soutomaior dispón xa dunha educadora familiar
Por Redacción |
-
Soutomaior pon en marcha un plan para eliminar as verteduras á ría de Vigo
Por Oskar Viéitez |
-
Soutomaior instalará sistemas de aerotermia nos seus campos de fútbol
Por Redacción |
-
O Concello de Soutomaior critica a subida "unilateral" do canon de Sogama
Por Redacción |