Deputación de Pontevedra e Concello de Caldas reciben unha axuda de 4 millóns de euros do Goberno para dinamización turística
Por Redacción
O Ministerio de Industria e Turismo concedeu unha axuda de 4 millóns de euros a dous proxectos presentados pola Deputación de Pontevedra e polo Concello de Caldas, respectivamente. O primeiro para o Castelo de Soutomaior e o segundo para a carballeira e o xardín botánico do municipio caldense.
As axudas proceden do Plan de Recuperación, Transformación e Resiliencia. O seu representante na provincia, Abel Losada felicitou esta achega económica sinalando "a aposta constante e absoluta do Goberno pola administración local, achegando fondos europeos de forma contínua, con total independencia de cor política e financiando proxectos estratéxicos para o turismo da provincia".
No caso do Concello de Caldas recibe 1.452.000 euros para implementar o museo aberto na carballeira e o xardín botánico. No caso da Deputación, os 2.514.122 euros destinaranse a mellora da iluminación, accesibilidade e aplicación de tecnoloxías de realidade virtual no Castelo de Soutomaior.
A convocatoria de axudas do Goberno tiñan por obxectivo potenciar o turismo cultural mediante proxectos de mantemento e rehabilitación do patrimonio histórico que incorporasen de forma clara a mellora do uso turístico dos bens beneficiarios.
Relacionadas:
-
2,5 millóns de euros da Unión Europea permitirán modernizar o castelo de Soutomaior
Por Redacción |
-
Día internacional do Té con cata-degustación no castelo de Soutomaior
Por Redacción |
-
A historia esquecida do Castelo de Soutomaior, protagonista dunhas xornadas en maio
Por Redacción |
-
A carballeira e o xardín botánico de Caldas de Reis logran a Q de Calidade
Por Redacción |
-
Tres espazos naturais de Caldas, certificados como destino de turismo científico botánico
Por Redacción |