Responden á muller con orde de desafiuzamento en Marín: "sabe que está a ocupar unha vivenda que non é da súa propiedade"
Por Redacción
O ex marido da muller sobre a que pesa unha orde de desafiuzamento en Marín pon de manifesto outra realidade diferente aos feitos que ela fixo públicos esta semana aos medios de comunicación. Os feitos, segundo a muller, concrétanse en que queren sacala do piso no que vive cos seus dous fillos, menores de idade, a pesar de que a vivenda, en parte, tamén lle pertence.
Fronte ás declaracións da devandita muller, a avogada do ex marido,- facilitando sentenzas para corroborar os seus argumentos -, sinala que ela "sabe que está a ocupar unha vivenda que non é da súa propiedade, recoñecéndoo desta forma en sede xudicial. A pesar dos intentos que se levaron a cabo de forma extraxudicial para que abandone o piso, buscou en todo momento evitar o desafiuzamento, que se chegou a suspender ata en tres ocasiones".
En defensa do seu representado engade que "en ningún momento buscouse facer ningún tipo de dano económico" a esta muller "que se está no piso é porque se atopaba nunha peor situación económica no momento do divorcio. Por iso deixóuselle continuar residindo na vivenda, sendo o proxenitor o que nese momento trasládase a unha residencia para evitar que os menores sufran a crise matrimonial dentro do domicilio".
En canto á "violencia económica" que denuncia ela, esta avogada responde que "desde o principio proporcionáronselle os medios económicos adecuados para poder facer fronte ao sostemento de fogar. Primeiro tivo acceso á conta na que se ingresaba a nómina ao proxenitor. Despois pagóuselle a pensión de alimentos establecida nas medidas provisionais. E máis tarde, as establecidas na sentenza de divorcio, polo que ditas cantidades están avaladas por un xuíz e un fiscal en atención ao nivel de ingresos de ambos e as cargas que conlevan os menores; sobre todo tendo en consideración o réxime de custodia compartida no que se atopan".