![](/web/cache/scene/uploads/fotos/foto/6e6/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/6676d98c8f-whatsapp-image-2024-06-22-at-13.46.49.jpeg)
© Concello de Cerdedo-Cotobade
Homenaxe aos tres promotores do acceso rodado á Carballeira e Baños de San Xusto no ano 1968
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/394/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6676d978b2-whatsapp-image-2024-06-22-at-13.41.24.jpeg)
© Concello de Cerdedo-Cotobade
Unha placa lembra desde este sábado aos promotores do acceso rodado á Carballeira e Baños de San Xusto: Jaime Campos Cubela, Tomás Souto Buján e o falecido Jesús Juanes Álvarez 'Chicho'.
Os tres foron as persoas que financiaron o proxecto no ano 1968.
O descubrimento da placa foi o colofón dunha xornada de exaltación dos valores ambientais e paisaxísticos deste espazo de lecer e convivencia familiar, que contou cunha visita guiada pola arquitecta local Cristina García Fontán, autora do proxecto de recuperación do balneario e da contorna da arboreda.
Tratábase dunha visita promovida pola Delegación en Pontevedra do Colexio Oficial de Arquitectos de Galicia (COAG) en colaboración co Concello de Cerdedo-Cotobade para promocionar os premios Gran de Area que recoñeceron en 2023 a rehabilitación realizada nos Baños de San Xusto.
En canto á homenaxe, a placa conmemorativa foi descuberta por Tomás Souto e por familiares dos homenaxeados.
O alcalde, Jorge Cubela, lembrou durante esta xornada como un dos promotores do acceso rodado trouxera os cartos desde Venezuela, outro os sacara do banco e o terceiro da viga do faiado onde os tiña aforrados para poder transformar un camiño de carros nun primeiro vial de acceso. Ademais aproveitou para "agradecer aos nosos emigrantes todo o que fixeron por nós".
Relacionadas:
-
Un ciclo de visitas dará a coñecer os tres proxectos pontevedreses premiados co Gran de Area 2023
Por Redacción |
-
Obras de Pontevedra, Cerdedo-Cotobade e Sanxenxo nos premios Gran de Area 2023
Por Oskar Viéitez |
-
Cerdedo-Cotobade quere "dignificar" a entrada da carballeira de San Xusto
Por Redacción |