Rueda volve vestir a camisola ciclista para promocionar desde Pontevedra o Camiño Portugués
Por Redacción
Desde a Praza da Peregrina e vestido con roupa ciclista promocional do Xacobeo. Así comezou este sábado o presidente da Xunta de Galicia, o pontevedrés Alfonso Rueda.
O mandatario galego realiza estes días varias etapas do Camiño Portugués da Costa, alternativa que pasa por ser a que máis creceu nos últimos anos.
Todo iso dentro dunha tendencia que segue á alza no que respecta ao Camiño de Santiago, e é que este mes se chegou xa á cifra de 200.000 compostelas, o que apunta a un novo récord anual de peregrinacións.
Rueda afirmou á súa saída desde Pontevedra, acompañado entre outros dos conselleiros Alfonso Villares (Mar) e José López Campos (Cultura, Lingua e Xuventude), que tanto o Camiño Portugués tradicional como a opción pola costa "xa están case a par do francés" en número de peregrinos.
"Estase conseguindo que a Marca Galicia, algo que é fundamental para nós, para o noso turismo, para representar a Galicia no mundo, teña mellor saúde que nunca", afirmou o presidente da Xunta.
Relacionadas:
-
Alfonso Rueda, novo 'embaixador' dun Camiño Portugués "que temos que seguir coidando con sentidiño e agarimo"
Por Alejandro Espiño & Mónica Patxot |
-
Rueda recibirá a insignia de ouro dos Amigos do Camiño Portugués a Santiago
Por Redacción |
-
Rueda aposta desde Meis pola bicicleta para descubrir "o fermosismo" de Galicia
Por Redacción |
-
Alfonso Rueda, un peregrino en bicicleta máis polo Camiño Portugués
Por Redacción |