O alumnado do IES Cotobade e Forcarei participan na Carballeira de San Xusto no Día da Xuventude
Por Redacción
O alumnado do IES Cotobade e Forcarei participou na Carballeira de San Xunto no Día da Xuventude, organizado pola Dirección Xeral de Xuventude, Participación e Voluntariado.
Durante a celebración levaron a cabo diferentes actividades e obradoiros de educación non formal que tiveron como obxectivo sensibilizar, entreter e formar á mocidade local, así como dar a coñecer outras actividades da Dirección.
Entre as actividades realizadas destacan as destinadas a promocionar a gastronomía saudable, o lecer educativo, concienciación e sensibiliación medioambiental, expresión artística, educación en igualdade de xénero, fomento das habilidades para a empregabilidade e dinamización do entorno.
Para levalas a cabo, a Xunta de Galicia puxo a disposición da mocidade monitores que se encargaron de dirixir os xogos educativos, atender a caravana móbil do punto de información de recursos e realizar os talleres dinámicos sobre o medio ambiente, relacións, aprendizaxe de graffiti... Entre outras. A xornada estivo amenizada con Dj con actuacións musicais a cargo de artistas da contorna.
Para o alcalde de Cerdedo-Cotobade, Jorge Cubela, este tipo de iniciativas favorecen a socialización entre alumnos de distintos centros educativos e aproveitou para desexarlles a todos un bo descanso de verán despois de ter completados os seus estudios de ensino medio nos dous respectivos centros educativos.
Finalmente, o rexedor animou ao alumnado a seguir formándose para que no futuro dispuxeran das ferramentas necesarias para desempeñar con éxito aquelas funcións ou actividades laborais que foran máis acaídas ás súas preferencias.
Relacionadas:
-
As ludotecas de Carballedo, Tenorio e Cerdedo ampliarán horarios para fomentar a conciliación
Por Redacción |
-
O dobre de fondos para actividades das asociacións de nais e pais de Cerdedo-Cotobade
Por Redacción |
-
"Letras na Praza" para animar á lectura á rapazada da Lama, Cerdedo-Cotobade e Fornelos de Montes
Por Redacción |
-
Trece cooperativas de alumnado de Primaria, na nova edición de 'DepoEmprende na escola'
Por Redacción |