Xornada de limpeza no Paseo de Ostreira a cargo do alumnado do CEIP Lourido
Por Oskar Viéitez
O alumnado do CEIP Lourido participou este venres nunha actividade de voluntariado centrada na limpeza da contorna de Ostreira.
A xornada congregou a preto de 100 estudantes de entre 8 e 12 anos.
O encontro comezou cunha charla didáctica impartida por un técnico ambiental. A continuación, os mozos implicados na actividade comezaron coa recollida de plásticos e residuos do carreiro litoral.
Durante as tres horas nas que transcorreu a limpeza conseguiron recoller 72 quilos de plásticos e outros residuos.
A zona na que se realizou a limpeza foi protagonista o pasado xoves cando os veciños de Poio izaron as bandeiras dos dous novos Sendeiros Azuis de Poio, que este ano diferencian tamén aos roteiros do Laño e dos Muíños de Samieira. Ademais, nas inmediacións da recollida foron dúas as praias galardoadas co distintivo de bandeira azul, a de Siorto en Raxó e a de Cabeceira en Lourido.
Relacionadas:
-
Raxó amosa a recuperada bandeira azul de Xiorto
Por Redacción |
-
Ángel Moldes fai un balance positivo do seu primeiro ano de goberno: "Poio é máis vivo, dinámico e atractivo"
Por Redacción |
-
Entrega das bandeiras azuis en Doniños con Sanxenxo como líder estatal
Por Redacción |
-
Greenpeace ve "insostenible" o modelo de pesca, agricultura e gandería e reclama protección para as artes tradicionais
Por Redacción |