Soutomaior está a traballar no control das colonias felinas
Por Redacción
O goberno local de Soutomaior está a traballar dende o comezo do mandato no control das colonias felinas do concello.
Para isto está levando a cabo localización, alimentación, asunción de gastos veterinarios con fondos propios, e dende este mes adheriuse ao convenio con el CAAN, o Centro de Acollida e Protección de Animais da Deputación Provincial. De momento, son xa 10 os gatos esterilizados grazas a este convenio.
A concelleira de Medio Rural, Charo Bouzón, considerou unha prioridade entrar neste programa de colaboración "xa que as colonias felinas eran un problema que viñan preocupando ás veciñas e veciños dende fai xa anos, xa que vían como aumentaba a poboación e estábase a volver incontrolada".
Charo Bouzón tamén sinalou nesta xornada que "dende o concello temos un rexistro de colonias e cada semana, hai un novo aviso de colonia, nesta pasada semana tres persoas se puxeron en contacto co concello para avisar de gatos que viven na rúa e non son de ninguén".
A concelleira tamén fai un chamamento á veciñanza para que "esterilicen ós seus animais, xa que ó chegar a primavera aparecen camadas abandonadas preto de contedores de lixo, isto ven sucedendo dende fai tempo, é unha situación que entre todas e todos temos que evitar".
A concelleira agradeceu o traballo que están a realizar as persoas voluntarias de Soutomaior, coa axuda na captura, traslado a CAAN, recollida, transporte e solta dos animais.
Relacionadas:
-
Máis cartos para garantir o bo funcionamento do centro de acollida de animais da Armenteira
Por Redacción |
-
Aparecen crías de gato abandonadas nun contedor de Portocelo
Por Redacción |
-
O programa de Colonias Felinas do CAAN comeza coas esterilizacións de gatos
Por Oskar Viéitez |
-
Alfonso Rueda anima a adoptar animais nos refuxios autorizados porque "merecen unha segunda vida"
Por Alejandro Espiño |
-
14.500 euros serán destinados a controlar as colonias felinas de Sanxenxo
Por Redacción |
-
Cans en pánico e veciños preocupados polos disparos do CGTD
Por Mónica Patxot & María José Pita |