Entrega das bandeiras azuis en Doniños con Sanxenxo como líder estatal
Por Redacción
Este xoves 13, a praia de Doniños en Ferrol convertíase no escenario da entrega das bandeiras azuis de Galicia, que este ano reciben 114 praias, once portos deportivos e quince centros azuis de Galicia.
Ángeles Vázquez, conselleira de Medio Ambiente e Cambio Climático, asistía ao acto destacando que a provincia de Pontevedra concentra o maior número de bandeiras azuis da comunidade alcanzando a cifra de sesenta, mentres Sanxenxo volve repetir como o municipio español con máis praias galardoadas.
A representante da Xunta de Galicia apuntou a que os galardóns son de especial transcendencia para a mellora da calidade das augas, do estado dos areais e dos servizos que acollen.
Telmo Martín, alcalde de Sanxenxo, asistía ao acto onde se entregaban as bandeiras azuis ás súas 17 praias e aos tres portos do municipio, ademais do Centro de Interpretación da Telleira.
Pedro Campos, presidente do Real Club Náutico de Sanxenxo, tamén recollía a insignia.
Sanxenxo, segundo o goberno local, destina anualmente 1,2 millóns de euros para mellorar os servizos e garantir a seguridade.
Desde o 1 de xuño, dezaseis socorristas vixían durante as fins de semana desde o mediodía ata as 20.00 horas as praias de maior afluencia do municipio. O sábado 15, os efectivos de salvamento ampliaranse a seis praias todos os días da semana: a Areas, Silgar, Canelas e Montalvo sumaranse Foxos e Ou Espiñeiro-A Lanzada.
Xa en xullo o servizo estenderase a todos os areais cun horario maior de vixilancia con 83 persoas realizando este servizo.
SENDEIROS AZUIS DE POIO
Residentes en Samieira, no municipio de Poio, izaban este xoves tamén as novas bandeiras dos Sendeiros Azuis nos roteiros do Laño e dos Muíños.
Ángel Moldes, alcalde do municipio, tamén acudía ao acto e participou do percorrido polo litoral de Samieira partindo do peirao de Covelo.
O rexedor entende que estes distintivos convértense nun impulso para traballar nun turismo "sostible, de calidade" e destinado a visitantes durante todo o ano.
Ademais, o Concello de Poio tamén renovaba as bandeiras no sedero litoral de Poio e na Variante Espiritual do Camiño Portugués a Santiago de Compostela.
Moldes tamén asistía a Ferrol para recoller as bandeiras azuis correspondentes ás praias de Cabeceira e Xiorto, que recuperan este galardón despois de sete anos.
Relacionadas:
-
Raxó amosa a recuperada bandeira azul de Xiorto
Por Redacción |
-
As 17 bandeiras azuis abren a tempada estival en Sanxenxo
Por Redacción |
-
Sanxenxo adianta a este sábado a chegada dos socorristas ás súas praias
Por Redacción |
-
Vilagarcía non logra cubrir o número de prazas de socorristas para este verán
Por Anxo Lourido |
-
Xornada de limpeza no Paseo de Ostreira a cargo do alumnado do CEIP Lourido
Por Oskar Viéitez |
-
As praias de Poio quedarán listas esta semana para comezar a tempada alta
Por Oskar Viéitez |
-
Sanxenxo recolle a S de sustentabilidade turística e as 18 Q de calidade
Por Redacción |
-
O mapa de zonas de baño de Galicia sinala como non aptas 39 praias
Por Oskar Viéitez |
-
A praia de Xiorto, en Raxó, recupera a bandeira azul sete anos despois
Por Redacción |
-
Sanxenxo revalida o seu liderado nacional con dezasete bandeiras azuis ás súas praias
Por Alejandro Espiño |
-
Os aseos das praias de Sanxenxo limparanse cada hora e media durante o verán
Por Redacción |