Un campamento con actividades en galego e inglés para pasar un verán diferente na Lama
Por Redacción
Nenos e nenas entre os 5 e os 14 anos poderán participan no Campalama 2024, unha alternativa de lecer e de conciliación familiar para este verán que organiza A Lama SD, en colaboración coa Oficina Municipal de Información Xuvenil (OMIX) do municipio.
Neste campamento, os participantes poderán divertirse, aprender inglés e pasar un verán diferente baixo a supervisión e a animación de monitores titulados.
Haberá catro quendas (dúas en xullo e dúas en agosto) para atender a demanda que durante o verán poida existir.
Entre outras actividades, o Campalama 2024 ofrecerá actividades deportivas, de entretemento colectivo, andainas, excursións, baños no río Verdugo ou xogos.
Todas estas actividades serán bilingües, en galego e en inglés, coordinadas por unha monitora con titulación expedida pola Xunta de Galicia tanto en actividades de lecer como Máster Universitario en Tradución para a Comunicación Internacional.
Ademais haberá monitores con titulación oficial en actividades sociodeportivas ou adestradores de fútbol.
As inscricións, que se poden facer ata o 25 de xuño, deben formalizarse na biblioteca municipal.
Relacionadas:
-
Xa están en marcha os campamentos na Lanzada cos primeiros 140 participantes
Por Oskar Viéitez |
-
A Boa Vila acolle un novo campamento de verán de Special Olympics, destinado a personas con discapacidade
Por Redacción |
-
Todas as festas de verán das parroquias da Lama, reunidas nun folleto
Por Redacción |
-
Exitosa xornada de piragüismo na Lama con máis de 200 participantes
Por Redacción |