Xa están en marcha os campamentos na Lanzada cos primeiros 140 participantes
Por Oskar Viéitez
O presidente da Deputación de Pontevedra, Luis López, visitou este luns o Centro de Vacacións da Lanzada onde se están celebrando os campamentos infantís de verán que organiza cada ano o organismo provincial.
O dirixente saudou aos 140 nenos que abriron este domingo uns campamentos que, en quendas dunha semana de duración, se prolongarán ata o 7 de setembro e nos que participarán un total de 1.540 menores de 7 a 13 anos de idade.
"Foi un curso moi duro, traballastes moito e agora merecedes desfrutar dunhas vacacións. Vai ser unha semana inesquecible", díxolles o presidente aos rapaces.
Chegaron ao campamento este domingo e ao longo da semana desfrutarán de "experiencias 100 % Rías Baixas" como unha excursión en barco á illa de Ons, saídas polo espazo natural da contorna deste centro ubicado en San Vicente, así como de actividades musicais, deportivas ou teatrais ademais de infinidade de xogos co obxectivo de gozar do verán ao tempo que fomentan valores como o respecto, a igualdade, a tolerancia ou o coidado do medio ambiente.
Despois de percorrer as instalacións deste centro que xestiona a Deputación e coñecer aos monitores e participantes, Luis López conversou coa cativada, interesouse polas actividades previstas para toda a semana e ata puido compartir con eles algunha actividade de ocio.
Relacionadas:
-
A Boa Vila acolle un novo campamento de verán de Special Olympics, destinado a personas con discapacidade
Por Redacción |
-
Un campamento con actividades en galego e inglés para pasar un verán diferente na Lama
Por Redacción |
-
Esgotadas as prazas dos dous campamentos para a mocidade ofertados en Soutomaior
Por Redacción |
-
O vindeiro luns abren as inscricións para participar no Ponte Verán
Por Oskar Viéitez & Mónica Patxot |