As praias de Poio quedarán listas esta semana para comezar a tempada alta
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
O Concello de Poio ultima estes días os traballos para deixar listas as praias do municipio para ofrecer a máxima calidade á veciñanza e visitantes ante a tempada de verán.
Segundo explica o concelleiro de Medio Ambiente, nas praias de Chancelas, Raxó e Lourido xa se fixeron os traballos de limpeza, tratamento da area e posta a punto, mentres que no resto os traballos están completándose estes días.
Neste caso, recorda que a limpeza estase facendo de xeito periódico desde Semana Santa e, coincidindo co bo tempo, estanse intensificando e aumentando a frecuencia para ofrecer as mellores condicións.
Ademais, no caso de Lourido, tamén esta semana van nivelar a area para diminuír a pendente provocada polas mareas vivas, o que permitirá facilitar o acceso de escavadoras para reforzar a limpeza en determinadas zonas.
Os traballos tamén inclúen a mellora nos accesos e colocación de duchas, paneis informativos e papeleiras, que esta semana quedarán instalados en todas as praias.
Previamente xa se adaptaron e prepararon as bases nas que van instaladas as duchas, e tratáronse os paneis de madeira para garantir maior durabilidade e mellorar a súa estética.
Con respecto aos accesos, o plan de mellora inclúe tarefas de reparación, mantemento ou pintado tanto na praia de Cabeceira como en Chancelas ou Fontemaior, entre outros.
O Concello de Poio tamén ten en marcha o proceso de contratación de seis socorristas para velar pola seguridade dos bañistas nas praias de Xiorto e Cabeceira, que son as dúas que este ano lucirán as bandeiras azuis.
Relacionadas:
-
Entrega das bandeiras azuis en Doniños con Sanxenxo como líder estatal
Por Redacción |
-
Seis días de festa en Poio para celebrar San Xoán
Por Redacción |
-
Un grupo de voluntarios pon a punto a praia de Praceres
Por Redacción |
-
Detidos tres veciños de Poio que se dedicaban ao furtivismo en distintas zonas da provincia
Por Redacción |
-
Voluntariado de "Borra su huella" desafía o forte vento para liberar o illote Areoso de 14 quilos de lixo
Por María José Pita |
-
Aprobada unha modificación de orzamento para garantir a continuidade da obra do porto de Raxó
Por Oskar Viéitez |
-
A Ría de Pontevedra suma unha nova bandeira azul
Por Noticia patrocinada |