Mantéñense as prazas para aparcar en toda a beirarrúa anexa aos edificios da Avenida de Ourense
Por Oskar Viéitez
Ante as dúbidas trasladadas pola cidadanía marinense pola obra da Avenida de Ourense, o concelleiro de Urbanismo, Manuel Santos, aclara que "o ancheamento da beirarrúa non acarrea a eliminación de estacionamento nesta beirarrúa pegada aos edificios".
Tal e como indica Santos, a confusión hoxe é entendible, porque coa creación da nova beirarrúa semella que se "comeu" ese espazo.
Toda a explicación está no desprazamento do eixo da estrada. "Ao desprazar o eixo, xa que hai espazo de sobra", explica Santos, poderanse repintar todas as prazas que había actualmente nese lateral da Avenida.
O único lugar onde se ve afectado o estacionamento con esta obra é onde se creará a rotonda, no entronque coa Rúa Vidal Pazos, tal e como xa se informou a pasada semana. Para poder crear a glorieta, será preciso prescindir das prazas que hai nesa "barriga" actual que hai xunto á Biblioteca e as que están en liña na beirarrúa oposta, fronte a Nodosa.
Santos cre que esta zona está apoiada por varios aparcadoiros disuasorios, como os do Regueiro, Sagrada Familia, Concepción Arenal, Quevedo, Inferniño e as dúas grandes bolsas de República Arxentina.
Relacionadas:
-
As obras da avenida de Ourense continuarán polo tramo entre a Rúa da Estrada e a Praza de España
Por Oskar Viéitez |
-
Cara finais de ano retiraranse as máquinas da Avenida de Ourense e será traspasada ao Concello de Marín
Por Oskar Viéitez |
-
O goberno local buscará o apoio da oposición para o aparcadoiro subterráneo no Parque Eguren
Por Oskar Viéitez |
-
A nova glorieta da Avenida de Ourense permitirá eliminar os semáforos
Por Oskar Viéitez |
-
Unha App permite consultar en tempo real a ocupación dos aparcadoiros públicos de Marín
Por Oskar Viéitez |