Destinan 30.000 euros para potenciar o aproveitamento turístico do Castro da Cividá
Por Oskar Viéitez
Cerdedo-Cotobade contará cunha nova axuda de 30.000 euros coa que espera potenciar o aproveitamento turístico do Castro da Cividá.
Trátase da subvención de Turismo de Galicia a concellos de ata 10.000 habitantes para actuacións de mellora das infraestruturas turísticas.
O delegado territorial da Xunta en Pontevedra, Agustín Reguera, informou este martes desta axuda no transcurso dunha visita o albergue de Cerdedo-Cotobade que foi acondicionado grazas a unha axuda do pasado ano doutros 30.000 euros que permitiron optimizar as condicións do inmoble e mellorar a seguridade da vía Mariana, un recurso moi importante para o desenvolvemento turístico da zona, segundo confirmou o propio alcalde, Jorge Cubela.
Agustín Reguera afirmou que este espazo "supón un auténtico tesouro para todos os veciños e veciñas deste concello e que debe ser un reclamo para todos os visitantes".