A Facultade de Comunicación organiza un foro sobre a intelixencia artificial na loita contra a desinformación
Por Redacción
O grupo de investigación Sepcom e o grupo de innovación docente Dixitais, da Facultade de Comunicación, promoven un congreso internacional que se desenvolverá os días 20 e 21 de xuño.
Trátase do II Congreso Internacional de Comunicación en la Sociedad Digital e terá como un dos seus eixes centrais "o problema da desinformación como un dos desafíos claves que deben afrontar as sociedades contemporáneas".
Mais concretamente, este foro virtual porá o foco nas implicacións que poden ter neste eido as ferramentas de intelixencia artificial, que poden supor un "grave perigo", pola súa capacidade de xerar informacións falsas "dificilmente distinguibles da realidade", pero tamén "unha ferramenta de utilidade para combater este fenómeno".
Dirixido por Alberto Dafonte e María Isabel Míguez, este congreso agarda repetir as cifras de participación da primeira edición, nun evento que poderá seguirse de xeito gratuíto a través dunha plataforma virtual.
Xunto ás conferencias plenarias, o congreso estruturase en dez simposios temáticos centrados na comunicación política, desinformación e redes sociais, na ética no xornalismo dixital, no activismo social en internet ou nos "retos dixitais" da publicidade.
Relacionadas:
-
Un proxecto europeo estuda en Pontevedra como xestionar o estrés en colexios e institutos
Por Redacción |
-
A feira 'A ciencia que vén' celebrarase por primeira vez en Pontevedra
Por Noticia patrocinada |
-
Alumnado da Facultade de Comunicación e do CIFP Carlos Oroza deseñan unha campaña sobre a violencia machista
Por Oskar Viéitez |
-
A por unha praza para estudar en Pontevedra o grao en Ciencias da Actividade Física e do Deporte
Por Redacción |