O goberno local da Illa de Arousa mellorará o alumeado do campo de fútbol Salvador Otero
Por Oskar Viéitez
A Deputación de Pontevedra acaba de aprobar unha axuda ao Concello da Illa de Arousa, por valor de máis de 31.000 euros, coa que poderá facer fronte á mellora do alumeado do campo de fútbol Salvador Otero, situado no lugar de Testos.
Estes recursos pertencen ao Plan Extraordinario de Infraestruturas Deportivas da Deputación, dotado de 4 millóns de euros para os 59 concellos da provincia cun número de habitantes inferior a 50.000.
Con esta nova inxección, o Concello da Illa de Arousa poderá impulsar nesta instalación deportiva novas medidas de medio ambiente e sostibilidade, tendo en conta ademais que este campo é onde teñen lugar os partidos da categoría preferente galega grupo sur e que é ademais a base do Céltiga Futbol Club desde fai máis de catro décadas. A achega da Deputación permitirá sufragar a substitución dos proxectores actuais por 24 novos exemplares con tecnoloxía LED.
O Plan Extraordinario de Infraestruturas Deportivas mobilizou ata o momento máis de 2,8 dos 4 millóns de euros do orzamento total.
Relacionadas:
-
Cuntis recibe case 43.000 euros para mellorar a accesibilidade no pavillón municipal
Por Oskar Viéitez |
-
As inscricións para visitar o convento de Santa Clara abrirán o martes
Por Redacción |
-
A Deputación lanza unha liña de axudas para fomentar a actividade turística baseándose en eventos deportivos
Por Oskar Viéitez |