Contratadas 15 persoas para desempeñar tarefas no Concello de Marín
Por Oskar Viéitez
Cos fondos do Plan +Provincia da Deputación de Pontevedra o Concello de Marín financiou a contratación de 15 persoas para que os próximos meses realicen labores en distintos departamentos municipais.
Deste xeito, iniciaron os seus contratos esta semana un auxiliar administrativo, que dará apoio ao departamento de Tesourería, tres conserxes e 11 peóns, que desempeñarán o seu labor nas distintas brigadas municipais.
Antes de iniciar o traballo propiamente, recibiron na Biblioteca Vidal Pazos a correspondente formación en prevención de riscos laborais e recibiron da man dos responsables das brigadas do Concello a roupa e útiles de traballo precisos para os seus postos.
CAMPAMENTOS DE CONCILIACIÓN
Por outra banda, a Concellaría de Benestar Social publicou este xoves as listaxes de admitidos nos campamentos de conciliación de verán, dirixidos a nenos de entre 3 e 12 anos, que finalmente pechan a súa convocatoria con 327 prazas habilitadas.
As listas poden consultarse tanto no taboleiro de anuncios do Concello como na páxina web.
Analizando os datos polo miúdo, recibíronse 86 solicitudes para a primeira quincena de xullo, 81, na segunda quincena; 54, na primeira de agosto; 44, na segunda; 22 na de Mogor e 40 na de Seixo.
Relacionadas:
-
A Deputación lanza unha liña de axudas para fomentar a actividade turística baseándose en eventos deportivos
Por Oskar Viéitez |
-
A Plataforma "Eólicos no Morrazo Non" informa á veciñanza dun proxecto de "macroparque" eólico
Por Oskar Viéitez |
-
Aparecen crías de gato abandonadas nun contedor de Portocelo
Por Redacción |
-
María Vázquez, protagonista de Matria, será a madriña do Festival de Cine do Mar
Por Redacción |