Un cruceiro alemán trae 770 pasaxeiros a Marín e o porto ponlles un autobús para visitar a vila
Por Redacción
770 cruceiristas chegarán a Marín este sábado 18 de maio e poderán coñecer a fondo a localidade e viaxar a outra zonas de Galicia.
Chegarán a bordo do cruceiro Amera, do operador alemán Phoenix Reisen, un barco de 204 metros de eslora e un calado de 7 metros que permanecerá atracado durante a xornada no Peirao Comercial Oeste.
Os visitantes teñen programadas varias visitas turísticas durante o día a Santiago de Compostela, Baiona e O Salnés.
Para aqueles que non queiran moverse de Marín, a Autoridade Portuaria de Marín e Ría de Pontevedra habilitará un autobús que estará a facer unha rolda de transporte de pasaxeiros de forma continuada entre o barco e a praza de España.
O obxectivo é que aqueles viaxeiros que non asistan ás excursións programadas pola navieira poidan coñecer e gozar da oferta gastronómica, paisaxística e turística que ofrece Marín.
O Amera ten prevista a súa chegada a porto á primeira hora do sábado e permanecerá atracado ata as 18.00 horas, cando partirá rumbo a Lisboa, o seu próximo porto de destino.
Relacionadas:
-
Tres graneleiros coinciden no Porto de Marín na descarga de 75.000 toneladas de cereais
Por Redacción |
-
Portos de Galicia descarta incluír a representantes do Concello e do sector marisqueiro na comisión que estuda a dragaxe do río Lérez
Por Oskar Viéitez |
-
O Porto de Marín rexistra un crecemento do 18,7% no primeiro cuadrimestre do ano
Por Redacción |
-
Alertan sobre a proposta do PP de construción dunha plataforma loxística entre Pontevedra e Vilaboa
Por Oskar Viéitez |
-
A empresa Antares Forwarding, nova consignataria do Porto de Marín
Por Oskar Viéitez |