O Porto de Marín rexistra un crecemento do 18,7% no primeiro cuadrimestre do ano
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Os datos estatísticos provisionais referidos ao tráfico de mercadorías no Porto de Marín durante os catro primeiros meses de 2024 lanzan un crecemento do 18,7% con respecto ao mesmo período do ano anterior.
Entre xaneiro e abril movéronse xa polo porto preto de 800.000 toneladas de mercadoría, tanto de importación como de exportación, segundo os datos ofrecidos este mércores pola Autoridade Portuaria de Marín e Ría de Pontevedra.
Por grupos de mercadoría, destaca o aumento dos graneis sólidos que crecen un 37% con importantes incrementos nos capítulos de pensos e forraxes e no de madeiras e cortizas.
A mercadoría xeral convencional (non contenerizada) tamén experimenta un crecemento do 11%, destacando os capítulos de material de construción, madeira e pasta de papel.
En canto ao número de buques que atracaron en porto entre xaneiro e abril, rexístrase unha subida do 32% con respecto ao mesmo período de 2022.
Relacionadas:
-
A frota de Malvinas comeza a descarga de pesca conxelada en Marín
Por Oskar Viéitez |
-
Un cruceiro alemán trae 770 pasaxeiros a Marín e o porto ponlles un autobús para visitar a vila
Por Redacción |
-
O porto de Marín crece por encima do 20% durante o primeiro trimestre do ano
Por Redacción |
-
Aumentan nun 23% os buques mercantes que fixeron escala no porto de Marín no inicio de 2024
Por Anxo Lourido |