Costas opta por desprazar a autovía a Marín cara a dentro para facer oco ao paseo peonil
![Alejandro](/web/cache/scene/uploads/xornalistas/foto/dee/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5624216432-20150128-patxot-alex-espino-002.jpg)
Por Alejandro Espiño
Tras as idas e vindas co paseo a Marín, Costas volveu a poñerse ao choio e barallan dúas alternativas para completar esta actuación entre Mollavao e Os Praceres. Así o desvelou este martes o edil responsable da área de infraestruturas, César Mosquera.
"Están a dar pasos a moi bo ritmo", recoñeceu Mosquera, que celebrou que o departamento dependente do Ministerio para a Transición Ecolóxica cumprira co seu compromiso de buscar a forma de desbloquear o segundo tramo deste paseo.
A alternativa "que máis gusta en Costas", segundo explicou o concelleiro pontevedrés, é desprazar a actual autovía a Marín cara a dentro, aproveitando os preto de 6 metros que hai entre o actual vial e o peche da factoría que Ence ten en Lourizán.
Isto iría acompañado ademais dunha actuación para elevar a cota da autovía para evitar as inundacións que, de maneira puntual, se producen nela cando coinciden choivas intensas e a pleamar, inutilizándola para a circulación de vehículos.
Esta solución tamén permitiría que o paseo, que conectaría posteriormente coa pasarela das mariscadoras, puidese ter un ancho maior ao previsto, que era de 2,5 metros, podendo chegar ata un máximo de catro metros.
Costas negociará co Ministerio de Transportes poder executar este alternativa pero, ao mesmo tempo, traballa nun plan B que supoñería "morder a autovía todo o que se poida" e apoiar sobre o mar só unha parte do paseo, en lugar de todo o seu trazado.
O goberno municipal, segundo adiantou César Mosquera, coincide con Costas na súa preferencia pola primeira destas dúas alternativas porque "resolvería dous problemas", o remate do paseo e as inundacións na autovía, aínda que entende que será máis custosa.
Relacionadas:
-
O PP pide "claridade" tras "dous meses de idas e vindas" do Goberno e o Concello sobre o paseo peonil entre Pontevedra e Marín
Por Redacción |
-
O Goberno ábrese agora a analizar "todas as alternativas posibles" para completar o paseo a Marín
Por Alejandro Espiño |
-
O PSOE de Pontevedra asegura agora estar convencido de que o Ministerio non descarta completar o paseo a Marín
Por Oskar Viéitez |
-
Lores avanza unha "ofensiva política" para que o Goberno complete o paseo peonil a Marín
Por Alejandro Espiño |
-
Domínguez esixe ao Concello de Pontevedra que "presione sen descanso" para que o Goberno central conclúa o paseo a Marín
Por Anxo Lourido & Mónica Patxot |
-
Marín ofrece a Pontevedra "facer forza" xuntos para esixir que se complete o paseo entre ambas
Por Redacción |
-
Costas deixa no aire a continuidade do paseo peatonal a Marín
Por Alejandro Espiño |