Multitudinaria asistencia á concentración moteira de Plantallelume en Xeve
Por Redacción
O Motoclub Plantallelume celebrou esta fin de semana a oitava edición da súa “Xuntanza moteira de Xeve” que contou cunha asistencia multitudinaria.
Segundo os organizadores foron entre 12.000 e 15.000 os asistentes a este evento que arrincou o pasado venres cunha festa con DJ Milucho.
O sábado foi o día grande desta concentración. A programación comezou cunha sesión vermú con pulpeiro e continuou pola tarde cun roteiro turístico e ao seu regreso foi a proba de son e resistencia.
Para comer houbo pizzas, hamburguesas, churrasco, bocadillos e salchichas americanas.
Un touro mecánico, inchables, unha exhibición de enduro e un roteiro nocturno con fachos foron outras das actividades celebradas que se completaron con moita festa a partir das 23.00 horas con DJ Pitty. Ás 01.00 horas tivo lugar a actuación de Kiko Rivera e ás 03.00 da madrugada DJ Milucho seguiu animando a velada.
Relacionadas:
-
Portonovo cítase en setembro coa Concentración Mototurística Internacional Rías Baixas
Por Oskar Viéitez |
-
A concentración moteira do Morrazo celebrarase esta fin de semana na zona das Lagoas
Por Oskar Viéitez |
-
Invitación ás motos "con clase" de toda Galicia a participar na concentración KDD Clásicas do Grove
Por Redacción |
-
En setembro volverá celebrarse a concentración de motos en Baltar
Por Redacción |