Os bombeiros de Pontevedra tamén rexeitan os bolardos da Peregrina
Por Mónica Patxot & Anxo Lourido
Os bombeiros de Pontevedra súmanse ás críticas ao goberno local pola instalación de bolardos na Rúa Peregrina.
A través das centrais sindicais CCOO, UXT e CSIF, os bombeiros do Parque Municipal indican que tanto estes bolardos como outros na cidade dificultan e, nalgúns casos, imposibilitan o acceso dos camións de bombeiros a distintas zonas do centro da cidade.
Tamén sinalan que a coincidencia de sinalizacións e macetas con varias árbores situadas en gran parte das interseccións da cidade provocan este problema de accesibilidade.
Ante esta situación, argumentan que os vehículos de emerxencia están obrigados a utilizar itinerarios "moito máis longos e mesmo a acceder en sentido contrario co risco que conleva tanto para os traballadores como para o resto de usuarios da vía".
Lembran que os vehículos que se utilizan para a extinción de incendios ofrecen un tamaño moito maior que un utilitario convencional e son imprescindibles para levar a cabo o labor de emerxencia, xa sexa para acceder a grandes alturas ou para transportar as ferramentas e os medios de extinción necesarios para facer fronte a calquera situación de perigo.
Os representantes sindicais insisten en que estas circunstancias foron trasladadas ao grupo de goberno, a quen acusa de "facer caso omiso" cando se lle presenta a necesidade de establecer tempos de resposta máis curtos ante urxencias.
Denuncian, tras as declaracións de Abel Losada, subdelegado do Goberno, "a falta de transparencia e a total e absoluta falta de responsabilidade por parte dos membros do goberno do BNG tanto coas forzas e corpos de seguridade do Estado como cos servizos de emerxencias e, por extensión, con todos os cidadáns de Pontevedra".
Indican que o problema das "trabas urbanísticas" xa se debateu o 1 de febreiro de 2016 cando se produciu o incendio entre as rúas Michelena e os Soportais da Ferrería. Segundo os sindicatos, este sinistro puxo de manifesto as "dificultades de accesibilidade a certas zonas da cidade, e as dificultades de manobra de vehículos de características como as dos bombeiros".
Tamén destacan a carencia dun plan de emerxencias actualizado e técnico, que sexa avalado por profesionais de urxencias e emerxencias para garantir actuacións "seguras, rápidas e organizadas".
Relacionadas:
-
"Ningunha barreira física vai impedir que a Policía Nacional continúe patrullando todas as rúas desta cidade"
Por Natalia Puga |
-
O PSOE reitera o rexeitamento aos bolardos en Peregrina: "non consta informe da Policía Local que avale a súa instalación"
Por Redacción |
-
Advirten do risco dos bolardos de 'Boa Vila' da Ferrería e Curros Enríquez
Por Oskar Viéitez |
-
Os bolardos de Peregrina seguirán durante "meses" porque, segundo Mosquera, están funcionando "moi ben"
Por Alejandro Espiño |
-
"Todo aquel espazo público do que se ausente a Policía, será ocupado polo delincuente"
Por Oskar Viéitez |
-
"Menos bolardos, máis policía", a petición do sindicato SUP ante o "desprezo" do goberno local cos bolardos
Por Natalia Puga & Mónica Patxot |
-
O PP pide ao alcalde que “rectifique” cos bolardos da Peregrina e ínstao a buscar "consenso"
Por Natalia Puga |
-
A instalación dos bolardos na rúa Peregrina non foi unha medida consensuada
Por Oskar Viéitez |
-
Os bolardos de Peregrina son "temporais", insiste o goberno municipal, e foron "consensuados" coa Policía
Por Alejandro Espiño |
-
Alertan da imposibilidade de acceso dos vehículos de emerxencias pola instalación de bolardos na rúa Peregrina
Por Oskar Viéitez |
-
Instalarán tres bolardos extraibles en Peregrina para cortar os 'atallos' dos repartidores
Por Alejandro Espiño |
-
Retiran os históricos bolardos da entrada do Pazo Provincial
Por Alejandro Espiño |