![](/web/cache/scene/uploads/fotos/foto/660/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/66229eda04-20240419_isabel-couselo_estrada-provincial_portas.jpeg)
© Deputación de Pontevedra
A reforma da estrada entre Caldas e Vilanoviña avanza a bo ritmo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A deputada Isabel Couselo, responsable da área de infraestruturas públicas, mobilidade e contratación da Deputación de Pontevedra, comprobou este venres que as obras de reforma da estrada EP-8004 Caldas-Vilanoviña, avazan a un bo ritmo.
Nelas, a institución provincial está a investir preto dun millón de euros para renovar o seu firme e mellorar a seguridade vial en todo o seu trazado.
A actuación está a permitir solucionar o mal estado do firme en todo o treito desta estrada provincial que discorre polos concellos de Caldas, Meis, Portas e Vilanova de Arousa.
As obras contemplan a reparación da estrada, mediante a execución de saneos e fresado da capa de rodadura existente. Ademais, estase a proceder a aplicar un tratamento superficial e a repoñer o firme existente mediante a extensión dunha capa de formigón bituminoso en quente.
As obras na EP-8004 Caldas-Vilanoviña tamén contemplan a execución de pasos de peóns sobreelevados e a reposición de sinalización horizontal e vertical, co fin de salvagardar a debida prestación do servizo público e de mellorar a seguridade viaria.