Sufocan un incendio nunha vivenda de Vilagarcía provocado por un deshumidificador
Por Oskar Viéitez
Un veciño de Vilagarcía necesitou asistencia médica tras incendiarse un deshumidificador na súa vivenda, segundo informou este venres o Centro de Atención ás Emerxencias 112 Galicia.
Esta incidencia tivo lugar pouco antes da unha desta madrugada nun piso da Rúa Arapiles, en Vilagarcía.
Ata alí acudiron os equipos de extinción despois de recibir o 112 Galicia a chamada dun familiar do afectado por un lume que comezou nun deshumidificador.
Segundo informaron estas mesmas fontes, o electrodoméstico estaba instalado nun baño anexo a un dormitorio e, aínda que o lume sufocouse rápido, os danos por fume na vivenda eran evidentes.
Con todo, o ocupante, que recibiu asistencia médica no mesmo lugar dos feitos sen que fose necesario o seu traslado, decidiu pasar alí a noite tras asegurar os efectivos de extinción bos niveis de osíxeno.
A resposta áxil dos axentes da Policía Local e Nacional, que aplicaron o contido dun extintor, permitiu que todo se resolvese con maior celeridade.
Ao lugar do suceso tamén se desprazaron os profesionais de Urxencias Sanitarias de Galicia-061 e axentes de seguridade, acudiron os Bombeiros de Vilagarcía e o servizo local de emerxencias.
Relacionadas:
-
Utilizan un DNI roubado dun mozo de Pontevedra para dar de alta cinco liñas telefónicas
Por Oskar Viéitez |
-
Morre unha muller de 80 anos tras precipitarse desde un balcón mentres limpaba unha xanela
Por Oskar Viéitez |
-
Unha muller en cadeira de rodas, ferida leve nun atropelo en Eduardo Pondal
Por Redacción |
-
Vén abaixo o muro dunha vivenda na praia da Carabuxeira
Por Oskar Viéitez |
-
Recoñecemento á "adicación altruísta e xenerosa" dos radioafeccionados de Pontevedra
Por Natalia Puga |
-
Máxima seguridade en Caldas de cara as actuacións de Panorama e Alkar na Festa da Primavera
Por Redacción |