Adolescentes de Cambados e Vilanova coñecerán a realidade de Colombia a través de dúas activistas
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/96f/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6612722d37-whatsapp-image-2024-03-12-at-18.59.42.jpeg)
© ONG Agareso
![](/web/cache/scene/uploads/fotos/foto/29b/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/661272924d-00-agaresooo.jpg)
© ONG Agareso
Este luns 8 de abril as activistas Yorya Gaviria e Sara Graciano achegaranse ao IES Ramón Cabanillas de Cambados e o martes manterán un encontro co alumnado do IES A Basella de Vilanova de Arousa.
As activistas pertencen á Fundación Forxando Futuros, que traballa en Colombia desde hai anos na defensa de dereitos humanos e na restitución das terras desposuídas ou abandonadas debido ao conflito armado.
Durante estes encontros, promovidos polo proxecto 'Activistas polo mundo que queremos', informarase o alumnado sobre as desigualdades entre o norte e o sur do planeta.
Esta será a sesión final dunha metodoloxía pedagócia que os estudantes desenvolven desde comezos do curso co obxectivo de que coñezan o activismo. Ao longo do curso reflexionan sobre os medios de comunicación, as redes sociais e utilizan a radio para crear o seu propios podcast radiofónicos para desenvolver as súas propias propostas activistas.
Tres Ong, Solidariedade Internacional de Galicia; Asociación Galega de Comunicación para ou Cambio Social (Agareso) e Asemblea de Cooperación pola PAZ (ACPP) forman parte deste proxecto que conta con financiamento da Dirección Xeral de Relacións Exteriores e da UE, ademais forma parte da plataforma de innovación educativa 'Plan Proxecta', que promove a Consellería de Educación.