Magnolias no lugar de ficus para Salgueiriños e Rafael Dieste
Por Redacción
Os ficus que se atopaba nas rúas Salgueiriños e Rafael Dieste foron substituídos por magnolias.
A concellería de Servizos urbanos básicos, baixo a xestión do edil Xaquín Moreda, decidía este cambio ao entender que as magnolias proporcionarán máis vistosidade e luminosidade a estas rúas.
O departamento de parques desenvolve unha campaña sanitaria de poda en gran parte de árbores urbanas. A intención é alongar a vida destas especies e mellorar a calidade de vida das persoas residentes en distintos puntos evitando que as ramas entren polas ventantas dos edificios.
Durante os últimos días incorporábanse novas árbores no barrio de Salgueiriños e en Rafael Dieste eliminando os ficus, especies que chegan a medir ata 15 metros de altura, pero que non ofrecían a sombra necesaria, obxectivo que se busca coas árbores urbanas, segundo a concellería. As raíces tamén causaban problemas nas beirarrúas e nas calzadas.
Por este motivo decidíase plantar catorce magnolias de folla caduca, nove en Salgueiriños e cinco en Rafael Dieste. A intención do goberno municipal é que a flor ofreza unha imaxe similar á da céntrica praza de San Xosé, cunha sombra que permita o paso da luz e, ao mesmo tempo, sexa suficiente para refrescar o ambiente durante os meses calorosos.
Relacionadas:
-
Intensifican as podas de árbores no centro urbano, con cortes puntuais de tráfico na Avenida de Bos Aires
Por Redacción |
-
As palmeiras de Pontevedra 'pasan por talleres'
Por Alejandro Espiño & Mónica Patxot |
-
Luz verde para acondicionar como 'zona de estancia' a pasarela en Doce de Novembro
Por Alejandro Espiño |
-
Os traballos de poda das árbores da cidade chegan á Praza de Galicia
Por Redacción |