Os traballos de poda das árbores da cidade chegan á Praza de Galicia
Por Redacción
A campaña de poda, limpeza e tala no arborado de toda a cidade chegou nas últimas horas á Praza de Galicia, unha das principais áreas verdes de Pontevedra.
O propósito destes traballos é alongar a vida dos exemplares, evitar situacións de perigo coas súas pólas e mellorar a calidade de vida da veciñanza da zona.
Estes traballos, que se están estendendo por todos os barrios da cidade, rematarán no mes de abril coa poda e limpeza das palmeiras que hai en Pontevedra, en concreto, as da avenida de Vigo, Sagasta e Gutiérrez Mellado.
En todos os casos son labores de diversa consideración, desde podas de seguridade, de formación ou de control nos casos en que o tamaño da árbore exceda o espazo dispoñible a talas de exemplares enfermos ou mortos que por motivos de seguridade deben ser eliminados.
A necesidade de podar algúns exemplares que invadían as fiestras dos edificios era unha petición reiterada por parte da veciñanza de distintos barrios.
Esta demanda levou ao Concello a priorizar estas intervencións dentro do departamento de parques e xardíns, xa que ata o de agora íanse facendo traballos puntuais, o que fixo medrar sen control algunhas especies.
Relacionadas:
-
Intensifican as podas de árbores no centro urbano, con cortes puntuais de tráfico na Avenida de Bos Aires
Por Redacción |
-
As palmeiras de Pontevedra 'pasan por talleres'
Por Alejandro Espiño & Mónica Patxot |
-
Magnolias no lugar de ficus para Salgueiriños e Rafael Dieste
Por Redacción |
-
Plan de choque para mellorar o estado da Praza das Regas
Por Redacción |
-
192 árbores en Tomeza "compensarán" as emisións de CO2 da Gran Final das Series Mundiais de Tríatlon
Por Redacción |
-
A campaña de mellora urbana e ambiental chega a Monte Porreiro
Por Redacción |