A Fiscalía pide seis anos e medio de cárcere para un home que tiña na súa casa un arsenal con 84 armas de fogo
Por Oskar Viéitez
A sección segunda da Audiencia de Pontevedra sinalou para o vindeiro xoves a celebración dun xuízo por un delito de tenencia ilícita de armas polo que a Fiscalía pide unha condena de seis anos e medio de cárcere para un home que tiña na súa casa un arsenal con 84 armas de fogo.
Trátase dun veciño de Ponteareas que gardaba en dúas vivendas e unha leira ametralladoras de guerra así como pistolas, sen ningún tipo de licenza.
Foi detectado ao pouco de comprar tres dispositivos ametralladores por Internet.
Os axentes interviñeron no seu poder 10 armas de guerra, 32 pistolas, 34 revólveres, 3 escopetas de caza, 2 fusís, 1 mosquetón e 1 rifle. Ademais, no rexistro tamén acharon 3.411 cartuchos metálicos de diferentes calibres, sete armazóns de pistola e revolver, cinco correderas de pistola, tres tambores ou cilindros de revolver, 52 canóns soltos de pistola e revólver (dos cales 32 están en perfecto estado de funcionamento), 47 cargadores (37 de pistola e 10 subfusil).