As prazas de abastos de Vilagarcía e Vilaxoán contarán con puntos de carga para vehículos eléctricos
Por Redacción
As prazas de abastos de Vilagarcía e Vilaxoán dispoñerán de senllas estacións de carga para vehículos eléctricos. Así o aprobou a Xunta de Goberno Local tras adxudicar a actuación á empresa Lumea Solucións Eléctricas. Estas dotacións irán acompañadas da instalación dun sistema fotovoltaico para dar enerxía ao mercado de Vilagarcía.
A iniciativa inclúese no proxecto 'Vilagarcía Viva' e o investimento, de 84.790 euros, finánciase con fondos europeos do Plan Next Generation destinado ao Plan de Recuperación, Transformación e Resiliencia. Estarán operativos na primavera xa que o prazo de execución é de vinte e cinco días.
Desde o Concello vilagarcián preténdese seguir avanzando na sustentabilidade do municipio, contribuíndo a reducir a contaminación e manter o coidado do medio ambiente. Así, estas dotacións abastecerán aos vehículos eléctricos municipais e aos da cidadanía.
No caso do mercado de Vilagarcía, a estación de carga situarase na zona do pavillón da verdura e o sistema fotovoltaico para autoconsumo da praza de abastos, pemitirá aproveitar a enerxía solar e xerar electricidade para abastecer este emprazamento municipal. Isto conlevará un aforro para o Concello na compra de electricidade e igualmente colabora co medio ambiente facendo un investimento en enerxías limpas e renovables.
Relacionadas:
-
Fixan en setembro a estrea dos equipos de refrixeración e placas solares da Praza de Abastos de Vilaxoán
Por Redacción |
-
A pontevedresa María Casero presenta un prototipo de panel solar adaptado aos centros históricos
Por Mónica Patxot & Anxo Lourido |
-
O reparto a domicilio da praza de abastos de Vilagarcía farase nun coche eléctrico
Por Oskar Viéitez |
-
Ravella reparte 400 composteiros individuais e pon en marcha o préstamo de biotrituradoras
Por Redacción |
-
O 94% das denuncias de tráfico cursadas pola Policía Local de Vilagarcía en 2023 foron por aparcar mal o coche
Por Oskar Viéitez |
-
Seis meses para humanizar a rúa Aquilino Iglesia en Vilagarcía
Por Redacción |