Denuncian problemas estruturais e de seguridade nos pavillóns de Moraña
Por Redacción
"Preocupación" no PSOE de Moraña tras a suspensión dun partido de fútbol prebenxamín debido a problemas estruturais e de seguridade detectados nos pavillóns deportivos locais.
Desde a agrupación socialista indican que "recentemente" fíxose unha inversión de 200.000 euros nos pavillóns de Moraña, destinando 150.000 deles á renovación da cuberta do pavillón do CPI Santa Lucía.
Con todo, este fin de semana "evidenciáronse múltiples pingueiras, o que xera dúbidas sobre a eficacia dese investimento", lamentan.
Neste senso, destacan que a suspensión do partido revelou problemas como "humidades, pingueiras e falta de seguridade, especialmente ante a presenza de cestas e dun remolque preto do campo de xogo", uns aspectos que para o PSOE "xeran serias interrogantes sobre a efectividade das medidas de seguridade implementadas".
"Estamos moi preocupados", afirmou Xoel Souto, portavoz do grupo municipal, por iso insta ao goberno local a abordar estas cuestións "de maneira urxente" e "inmediata" para así garantir que as instalacións deportivas "cumpran cos estándares necesarios para o benestar de todos e todas".
Relacionadas:
-
Fabiola García destaca que as dúas 'casas do maior' de Moraña "son auténticos dinamizadores da vida do municipio"
Por Oskar Viéitez |
-
Preto de 200.000 euros permiten renovar os dous pavillóns municipais de Moraña
Por Redacción |
-
O pavillón de Santa Lucía terá nova cuberta antes do inverno
Por Redacción |