Soutomaior adianta o desfile de entroido ao sábado 3 de febreiro
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O entroido chegará cargado de novidades este ano a Soutomaior, empezando pola data escollida para o tradicional desfile de comparsas.
Para non coincidir coas eleccións galegas, previstas para o domingo 18 de febreiro, o Concello decidiu adiantar o desfile ao sábado 3 de febreiro.
Entre as novidades para o desfile destaca este ano ademais, segundo avanza o goberno local, que xunto aos premios de participación habilitarán premios do xurado e haberá unha gran festa posterior en Tallo Río.
Doutra banda o Concello sinalou que promocionará a denominación 'Entruido Soutomaior', en referencia a unha variedade dialectal utlizada tradicionalmente no municipio e que foi catalogada nas investigacións sobre o entroido local realizadas polo antropólogo Rafa Quintía.
Toda a información sobre o Entruido Soutomaior, co resto de actividades previstas, será dada a coñecer aos veciños nunha reunión informativa convocada o vindeiro luns 15 de xaneiro ás 19.00 na Casa da Cultura.