O mercado ambulante de Carballedo celebrarase o segundo domingo de cada mes
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O tradicional mercado ambulante de Carballedo pasará de celebrarse os venres para establecerse o segundo domingo de cada mes. Así o decidían os comerciantes ambulantes tras manter un encontro con Jorge Cubela, alcalde de Cerdedo-Cotobade.
Con esta medida quérese atender ás demandas da veciñanza e dinamizar economicamente o municipio. Neste mercado ambulante instálanse máis dunha vintena de postos de produtos de roupa, alimentación, enxoval, calzado, fogar e artesanía, entre outros elementos. Ademais, habitualmente establécese un posto con oferta gastronómica e unha polbeira.
Esta actividade comercial comezou a realizarse en xullo de 2016 os segundos venres de cada mes con ao redor de catrocentas persoas que se achegan de maneira habitual polos postos.
A decisión entra en vigor de maneira inmediata e, por tanto, o domingo 14 de xaneiro desenvolverase xa a actividade na Praza da Chan en Carballedo.
O rexedor destacou a importancia deste mercado que é unha "referencia obrigada mensual" atraendo compradores ao municipio.