Domínguez pide melloras na recollida do lixo e na iluminación para aumentar o padrón municipal
Por Redacción
Rafa Domínguez, portavoz municipal do Partido Popular na corporación, considera negativas as cifras do Ministerio de Economía que reflicten un descenso demográfico en Pontevedra coa perda de 293 persoas nun ano.
A poboación actual do municipio, segundo estes datos oficiais, sitúase en 82.535 habitantes.
Segundo o presidente local do PP, "Pontevedra leva tres anos consecutivos perdendo poboación. Hai doce anos que non tiñamos o padrón municipal tan baixo".
Domínguez relaciona esta situación "un síntoma da deterioración" ao non aproveitar o tirón de Galicia e estar "a perder o tren, ao que outros concellos limítrofes se subiron para conseguir un aumento da súa poboación, en detrimento de Pontevedra".
Os populares sinalan que é preciso reverter a tendencia a través dunha mellora de servizos básicos como a recollida do lixo e o incremento da iluminación nocturna.
Rafa Domínguez describe a imaxe da cidade "coas rúas sucias e mal iluminadas, con focos de trapicheo que volveron ao centro urbano e con xente pasando medo polas noites". Tamén insiste no abandono que sofren os barrios e as parroquias do municipio.
Relacionadas:
-
A revisión do padrón municipal sitúa a poboación de Pontevedra en 82.535 habitantes
Por Alejandro Espiño |
-
"Por primeira vez, disporemos de 5 millóns de euros destinados en exclusiva para mantemento na cidade e no rural"
Por Oskar Viéitez |
-
A Deputación ponderará a perda de poboación e o envellecemento no reparto de fondos aos concellos
Por Oskar Viéitez |
-
O PP faise eco das queixas cidadás pola falta de iluminación pública e levaraas a pleno
Por Redacción |