Emenda á totalidade do PP a unhas contas para 2024 que "dan la espalda" aos pontevedreses
Por Alejandro Espiño
O orzamento para 2024 anunciado polo goberno municipal non gusta no Partido Popular. Aseguran que estas contas "dan la espalda" aos pontevedreses e contribúen ao "deterioro continuo" que aprecian en toda a cidade de Pontevedra nos últimos anos.
O portavoz do PP pontevedrés, Rafa Domínguez, confirmou este mércores que o seu partido presentará unha emenda á totalidade deste orzamento, ao entender que a súa aplicación sería "continuista e negativa" para os intereses dos cidadáns.
"Son la prueba del aislamiento del alcalde y del BNG", sinalou Domínguez ante a ausencia de negociación coa oposición. Os populares néganse a acordar as contas co goberno municipal "mientras no se reabra Reina Victoria", sostivo o dirixente popular.
Aos motivos que xustifican a súa emenda á totalidade, o líder do PP sumou o conflito cos funcionarios municipais e o "destierro" do mercado ambulante a Rafael Areses, "tres puntos de conflicto" que impedirán que os edís populares faciliten a aprobación dos orzamentos.
Rafa Domínguez reivindicou ademais a necesidade dunha Pontevedra "más limpia e iluminada", que se revitalice o mercado de abastos, que se aposte máis por barrios e parroquias, que se reforcen os servizos sociais ou que se melloren as instalacións deportivas.
Domínguez confía en que o 29 de decembro, data na que se celebrará o pleno extraordinario de orzamentos, o PSOE tamén rexeiten as contas para 2024 e os socialistas "no vuelvan a tragarse sus palabras" e sigan sendo "cómplices" do que sucede en Pontevedra.
"Son la muleta del señor Lores y, cada vez que lo necesita, le están apoyando", asegurou o dirixente do PP, que cre que os socialistas acabarán permitindo que se aprobe o orzamento mediante unha cuestión de confianza.
Relacionadas:
-
Lores anuncia unha cuestión de confianza ao saír rexeitado o orzamento do Concello
Por Oskar Viéitez & Mónica Patxot |
-
Lores someterá os orzamentos a unha cuestión de confianza se non se aproban este venres
Por Mónica Patxot & Anxo Lourido |
-
O PSOE presenta as súas emendas ao orzamento municipal: "Mentres haxa tempo imos estar abertos ao diálogo"
Por Redacción |
-
O goberno municipal rexeita todas as emendas ao orzamento para 2024
Por Alejandro Espiño |
-
Iván Puentes: "Se non hai diálogo, non nos tremerá o pulso para votar en contra do orzamento"
Por Alejandro Espiño |
-
Un orzamento de 94,7 millóns para 2024 para o que Lores pide "responsabilidade" á oposición
Por Alejandro Espiño |