Un bebé e dous nenos de sete e oito anos, evacuados tras un accidente en Meaño
![Anxo](/web/cache/scene/uploads/xornalistas/foto/022/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/6683d39821-a.jpg)
Por Anxo Lourido
![](/web/cache/scene/uploads/fotos/foto/375/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/657b2709d9-03-accidente.jpg)
© Servizo de Emerxencias
![](/web/cache/scene/uploads/fotos/foto/c22/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/657b275f80-accidente-coiron.jpg)
© Servizo de Emerxencias
Seis persoas foron trasladadas nas últimas horas a centros hospitalarios de Pontevedra e Arousa con motivo do accidente que se rexistraba ao redor das 13.54 horas, segundo o 112 Galicia, no municipio de Meaño.
Segundo indica o servizo de Emerxencias do Concello de Cambados, que tivo que intervir, o accidente producíase na estrada EP-9303 ao seu paso polo lugar de Coirón, na parroquia de Dena.
Nun dos vehículos, un Seat León, viaxaban un condutor de 32 anos; o copiloto de 33; e un bebé de catro meses. Estes ocupantes foron evacuados ao Hospital Montecelo por unha ambulancia do 061.
No outro turismo, un Volkswagen Touran, a condutora de 45 anos; o copiloto, de sete anos; e outro menor de oito anos, foron evacuados polo 061 ao Hospital do Salnés para unha avaliación das feridas causadas no accidente.
Na intervención tamén participaba a Garda Civil de Tráfico.