A Deputación aproba o convenio para dotar dunha senda peonil á estrada O Marco-Tomeza-Figueirido
Por Oskar Viéitez
A Deputación acaba de dar luz verde ao convenio de colaboración co Concello de Pontevedra para mellorar a mobilidade na EP-0002 entre O Marco-Tomeza- Figueirido.
Segundo informou este luns en rolda de prensa o presidente da Deputación, Luis López, a Xunta de Goberno aprobou este convenio para acometer esta obra que ten un orzamento de 1,72 millóns de euros, dos que o 80% (1.38 millóns) corresponde á Deputación e o 20% restante (345.000 euros) ao Concello, encargado tamén de aportar os case 20.000 euros necesarios para as expropiacións.
Malia iso, como explicou o presidente provincial, Luis López, "o Concello solicitou unha subvención para cubrir a súa aportación o que supón que é a Deputación quen financia o 100% da obra, os máis de 1,7 millóns de euros".
A obra se desenvolverá no tramo inicial de 2,5 quilómetros e transcorre por un treito do Camiño Portugués a Santiago de Compostela.
O proxecto inclúe a pavimentación da estrada, a construción dunha senda peonil de formigón coloreado de 2,5 metros de ancho mínimo na marxe dereita da estrada e a implantación de zonas de convivencia onde non sexa posible acadar ese ancho. Ademais, mellorarase o sistema de drenaxe de augas pluviais e, no caso de que sexa necesario, reporanse os servizos afectados pola execución da obra.
Relacionadas:
-
Luis López anuncia dous plans para "corrixir" unha decisión "inexplicable, errónea e caprichosa"
Por Oskar Viéitez |
-
O Concello aproba o convenio coa Deputación para a mellora da mobilidade peonil na estrada de Tomeza
Por Oskar Viéitez |
-
A mellora da estrada de Tomeza, pendente da sinatura do convenio entre o Concello e a Deputación
Por Oskar Viéitez |
-
Tomeza mellorará a súa seguridade e mobilidade grazas á renovación integral da EP-0002
Por Redacción |