Convocan unha concentración para esixir máis persoal de Atención Primaria e Pediatría no centro de saúde de Arcade
Por Redacción
O BNG convoca unha concentración para o vindeiro venres 15 de decembro ás 20.00 horas con motivo de que se cumpre un ano sen servizo de pediatría en Soutomaior.
A formación nacionalista demanda á Xunta de Galicia que dote de máis persoal sanitario ao centro de saúde de Arcade, reclamando principal atención no servizo de pediatría.
A concentración realizarase ante as portas do centro sanitario onde, segundo denuncian, leva anos con tres médicos para atender os pacientes.
Denuncian que a Consellería de Sanidade decidiu non buscar unha solución definitiva ás carencias de persoal que presenta este centro de saúde ao entender que opta por ofrecer parches que "en absoluto responden á situación que vive o noso concello".
Sinalan que para unha cita médica a espera media se sitúa en dez ou once días neste centro de saúde e, no caso dos menores, non se atendan as urxencias obrigando ás familias para trasladarse a Pontevedra.
José Costas, responsable local do BNG, lembra que o BNG presentou unha emenda aos orzamentos da Xunta para o ano 2024 para que se incorpore máis persoal sanitario de Atención Primaria e de Pediatría en Arcade.
Relacionadas:
-
Os terreos do futuro centro de saúde de Soutomaior xa son do Concello
Por Redacción |
-
Recollida de sinaturas para esixir á Xunta melloras no centro de saúde de Arcade
Por Oskar Viéitez |
-
O centro de saúde de Arcade cumpre "máis de 500 días" sen pediatra
Por Redacción |
-
A veciñanza de Soutomaior sae á rúa para esixir máis persoal médico e que se garanta a atención pediátrica no concello
Por Redacción |
-
Anuncian a incorporación de cinco novos médicos de familia para os centros de saúde da área sanitaria
Por Redacción |
-
Soutomaior leva un ano sen pediatra no centro de saúde de Arcade
Por Oskar Viéitez |
-
Montse Prado, do BNG, afirma que a área sanitaria de Pontevedra-O Salnés é o "banco de probas" do PP para desmantelar a sanidade
Por Anxo Lourido |