Queixas veciñais en Lourizán polos asolagamentos na Rúa do Santo
Por Anxo Lourido
Residentes da Rúa do Santo, na parroquia pontevedresa de Lourizán, demandan unha intervención inmediata para evitar que continúe a repetirse unha escena que sofren desde hai anos.
Cada vez que chove con algo de forza a rúa termina converténdose nunha lagoa, coa imposibilidade de acceder ás vivendas.
Sinalan que non é necesario que se produzan choivas torrenciais, segundo os datos que manexan con dez litros por metro cadrado durante unha hora xa se colapsa a rede de sumidoiros, que comeza a emanar auga ao exterior.
Desta forma, a veciñanza queda illada nesta zona xa que os vehículos teñen dificultades para atravesar estes grandes charcos.
Presentaron escritos a Augas de Galicia, que lles derivou ao Concello de Pontevedra. Tamén presentaron queixas no rexistro municipal sen que recibisen resposta.
A situación, segundo denuncian, prodúcese pola falta de mantemento dos sumidoiros que entenden están cheos de barro e maleza.
Ademais, temen que este problema agravarase cando se reforme a antiga estrada entre Pontevedra e Marín coa instalación de redutores de velocidade que provocarán máis estancamento de auga.
Relacionadas:
-
VÍDEO.- Alertan da presenza dun buraco profundo con auga preto do parque infantil en Lourizán
Por Anxo Lourido |
-
A Rúa do Santo volve asolagarse
Por Redacción |
-
Actuación de emerxencia para acabar coas inundacións na Rúa do Santo
Por Alejandro Espiño |
-
Así de inundada amencía este martes a Rúa do Santo en Lourizán
Por Anxo Lourido |
-
Cen veciños de Ponte Muíños reclaman ao Concello solucións inmediatas aos problemas de saneamento
Por Anxo Lourido |
-
A xornada máis chuviosa do últimos tres anos en Pontevedra
Por Diego Espiño | Creada e actualizada