Iván Puentes comprométese a dotar Monte Porreiro dunha Unidade de Atención Social
Por Redacción
Monte Porreiro centrou a actividade este domingo da campaña electoral do Partido Socialista de Pontevedra.
Nun acto celebrado alí o seu candidato, Iván Puentes, enumerou varios proxectos que se compromete a impulsar no barrio se sae elixido alcalde.
Entre eles está a creación dunha Unidade de Atención Social exclusiva para os veciños de Monte Porreiro incrementando a capacidade de atención dos servizos sociais municipais, que actualmente dispoñen de só 7 traballadoras sociais "exactamente igual que calquera vila de 15.000 ou 20.000 habitantes, o que significa non ter capacidade real para atender ás necesidades da veciñanza de Monte Porreiro e do resto de Pontevedra". Estas unidades, que pretenden descentralizar, contarían "con pedagogos, psicólogos e traballadores sociais nos diversos barrios", e "a primeira crearémola en Monte Porreiro", anunciou.
Entre as propostas contempladas no programa do PSOE figuran ademais a creación dunha segunda pista polideportiva que complemente á actual da Praza de Europa e a transformación da actual pista de BMX situada a carón do Miradoiro "no maior circuíto de pumptrack de Galicia, modificando o seu trazado, pavimentándoo e converténdoo nunha instalación moderna que permita a aprendizaxe, perfeccionamento e competición desta modalidade deportiva".
Na súa intervención, Puentes tamén fixo fincapé na necesidade de esixirlle á Xunta de Galicia "os 8,5 millóns de euros que se comprometeu a investir en Monte Porreiro para reurbanizar as rúas e beirarrúas".
As propostas socialistas foron presentadas nun acto no que o candidaro estivo acompañado pola secretaria xeral do PSOE en Pontevedra, Maica Larriba, e polo dirixente veciñal Anxo Mario Lago.
Relacionadas:
-
Alugueiros a prezos "razoables", obxectivo do parque municipal de vivenda que promete Iván Puentes
Por Alejandro Espiño |
-
Aposta do PSOE por impulsar o uso do galego nunha Pontevedra que está "fortemente castelanizada"
Por Alejandro Espiño |
-
Gómez Besteiro evidencia o apoio do Goberno ao proxecto de Iván Puentes
Por Manu Otero & Mónica Patxot |
-
Iván Puentes destaca a súa xestión en Medio Ambiente e os 25 millóns que o Goberno destinará a Pontevedra
Por Oskar Viéitez & Mónica Patxot |
-
Iván Puentes promete un programa de bolsas de inglés que financiará estadías no Reino Unido e Irlanda a alumnado de Secundaria
Por Oskar Viéitez & Cristina Saiz |
-
O delegado de Zona Franca promete ampliar o polígono de O Campiño se Iván Puentes é alcalde
Por Manu Otero |