Podemos pide que non se desmantelen as vías do antigo tren en Monte Porreiro para non pechar a posibilidade de recuperar o servizo
Por Redacción
Luisa Lores, candidata de Podemos Pontevedra á alcaldía, cuestiona o desmantelamento das vías do antigo tren en Monte Porreiro.
"Levantar as vías do tren é moi fácil, pero imposibilita que despois poida recuperarse un servizo esencial e motor da economía local noutros tempos como foi o tren de vía estreita", asegura a cabeza de lista da formación violeta.
Por ese motivo aposta por colocar unha plataforma de madeira que cubra as vías para que exista a posibilidade de recuperar o servizo nun futuro.
Lores considera que "o servizo de Ave ou o Alvia fan moi poucas paradas e illan ás pequenas e medianas localidades, mentres o que temos que facer é apostar por un servizo de tren de distancias curtas, barato e non contaminante".
"Ninguén cuestiona a utilidade das sendas verdes, pero eliminar de raíz a posibilidade de dar unha segunda vida a estas vías do tren en colaboración coas diferentes Administracións e sen consultalo coa cidadanía non é o idóneo", conclúe a candidata de Podemos en Pontevedra.
Relacionadas:
-
28M | Luisa Lores (Podemos): "En Pontevedra fai falta unha verdadera forza de esquerdas. Agora mesmo non a hai"
Por Alejandro Espiño & Mónica Patxot |
-
Ángela Rodríguez, 'Pam', apoia a Podemos Pontevedra pechando a candidatura para o 28M
Por Redacción |
-
Luisa Lores propón unha repoboación de árbores en Pontevedra
Por Alba Feijoo Alonso |
-
Podemos propón a creación dunha casa de baños pública en Pontevedra