Tino Fernández, candidato  do Partido Socialista á alcaldía, considera que o mercado ambulante é un elemento importante para a dinamización económica. Este sábado percorría a zona de venda na contorna do Recinto  Feiral e afirmaba que está disposto a estudar as opcións para o traslado desta actividade a outro punto da cidade. Os vendedores ambulantes han manifestado recentemente o seu interese en trasladarse a Campolongo. 

O candidato socialista mostrouse partidario de dinamizar esta feira ambulante e mesmo ampliala porque sinalou que hai un número importante de postos vacantes. 

Durante esta xornada, os representantes socialistas tamén instalaron unha carpa na praza de Ourense. Alí explicaron as medidas que queren levar a cabo en materia de economía co obxectivo de adaptar a fiscalidade á necesidade do sector empresarial.

Neste sentido, Tino Fernández anunciou que é necesario simplificar trámites administrativos e suprimir algunha taxa como a de apertura de establecementos, que actualmente conta cun procedemento "confuso", explicou. 

Tamén se mostrou partidario de adoptar medidas directas para o fomento do emprego como a de establecer axudas para a contratación a aquelas empresas que non despediran durante o último ano ou medidas para axudar ao pago de alugueres para os novos emprendedores.

Na carpa da praza de Ourense tamén se deron cita algunhas persoas portando chalecos co distintivo Ence Si e permaneceron nos arredores da instalación socialista durante a tarde sen que se rexistraran incidentes.

Pantalla completa