O PP asinará o convenio co Sergas para o hospital de Monte Carrasco se chega á Alcaldía
Por Redacción
A Xunta segue sen dar pasos firmes na construción do novo hospital de Monte Carrasco. Aseguran que o Concello de Pontevedra debe dotar aos terreos dos servizos necesarios para que se poida comezar a construír e o goberno municipal negouse en rotundo a asumir ese gasto, que César Mosquera chegou a cifrar nuns 60 millóns de euros.
Todo pode cambiar se o Partido Popular chega á Alcaldía despois das eleccións municipais do próximo mes de maio. O seu candidato, Jacobo Moreira, anunciou que se compromete a asinar o convenio co Sergas e asumir a dotación destes servizos necesarios en Monte Carrasco.
Así llo trasladou a Luis Campos Villarino e Isidro Lago, presidente e vicepresidente respectivamente do Colexio de Médicos, cos que se reuniu na tarde do luns.
"As instalacións hospitalarias públicas coas que conta Pontevedra están obsoletas, é necesario impulsar a creación dun novo hospital. Para iso compre que o Concello facilite os servizos básicos necesarios como son a luz, a auga ou o saneamento", sinalou Jacobo Moreira, "Pontevedra non pode quedarse atrás en materia sanitaria", engadiu, xa que entende que a cidade ten unha "necesidade urxente" neste ámbito social.
Relacionadas:
-
Agustín Fernández avoga polo diálogo coa Xunta para retomar a ampliación do Hospital Montecelo
Por Redacción |
-
SOS Sanidade Pública convoca unha nova manifestación contra os recortes sanitarios
Por Redacción |
-
Agustín Fernández invita á Xunta de Galicia a retomar as obras sanitarias en Pontevedra "agora que o Sergas é rico"
Por Redacción |
-
José Manuel González: "Montecelo cada vez cumple menos condiciones de hospital de futuro"
Por Natalia Puga & Mónica Patxot |